മക്കരപറമ്പ്:  മഹല്ല് ഇസ്‌ലാമിക്ക് സര്‍വിസ് സെന്റര്‍ മിസ്‌കിന്റെ 19ാം വാര്‍ഷിക സമ്മേളനവും പ്രഭാഷണ  പരമ്പരയും ആരംഭിച്ചു. പാണക്കാട് സയ്യിദ് സാബിഖ് അലി ശിഹാബ് തങ്ങള്‍ ഉല്‍ഘാടനം ചെയ്തു. മഹല്ല്  ഖത്തീബ് അബ്ദുല്‍ ലത്തീഫ് ദാരിമി പട്ടിക്കാട് അധ്യക്ഷനായി. മഹല്ല് സെക്രട്ടറി കെ.എം മുജീബ് റഹ്മാന്‍, മിസ്‌ക്ക് സെക്രട്ടറി സി.ഉസ്മാന്‍, വൈസ് പ്രസിഡന്റ് കെ.പി ഫാറൂഖ്, മസ്ഹൂഖ്  ഹുദവി കുറുംബത്തൂര്‍, അന്‍വര്‍ സാദിഖ് ഫൈസി മണ്ണാര്‍ക്കാട്, വലിയുദ്ദീന്‍ ഫൈസി വാഴക്കാട്,  ജമാലുദ്ദീന്‍ ഫൈസി വേങ്ങൂര്‍ തുടങ്ങിയവര്‍ സംസാരിച്ചു.
20ന് വൈകിട്ട് ഏഴിന് നടക്കുന്ന സമാപന  സമ്മേളനം പാണക്കാട് ഹാഷിര്‍ അലി ശിഹാബ് തങ്ങള്‍ ഉല്‍ഘാടനം ചെയ്യും. പ്രമോദ് ഇരുമ്പൂഴി  മുഖ്യാതിഥിയാകും.ഡോ. ബഷീര്‍ പനങ്ങാങ്ങര മുഖ്യ പ്രഭാഷണം  നടത്തും. തുടര്‍ന്ന് മലപ്പുറം ഫയര്‍ഫോഴ്‌സ് യൂനിറ്റ് അവതരിപ്പിക്കുന്ന പ്രദര്‍ശനവും ബോധവല്‍ക്കരണ ക്ലാസും നടക്കും.