ബാഴ്‌സലോണ; ലാലിഗയില്‍ ഇന്നലെ നടന്ന മത്സരത്തില്‍ ബാഴ്‌സലോണക്ക് തിരിച്ചടി. സെവിയ്യ സമനിലയില്‍ തളച്ചതാണ് ബാഴ്‌സലോണക്ക് തിരിച്ചടിയായത്. തുടക്കം മുതല്‍ തന്നെ പന്ത് കൈവശം വെച്ച് ഗോള്‍ നേടുന്നതിന് ബാഴ്‌സലോണ കിണഞ്ഞ് ശ്രമിച്ചെങ്കിലും സെവിയ്യ പ്രതിരോധം ഉറച്ച് നില്‍ക്കുകയായിരുന്നു. മത്സരത്തില്‍ 68 ശതമാനവും ബാഴ്‌സലോണയായിരുന്നു പന്ത് കൈവശം വെച്ച് കളിച്ചത്. പക്ഷെ ഗോള്‍ മാത്രം കണ്ടെ@ത്താന്‍ കഴിഞ്ഞില്ല. 9 കോര്‍ണര്‍ കിക്കുകളും ബാഴ്‌സലോണക്ക് ലഭിച്ചെങ്കിലും മുതലാക്കാന്‍ സാധിച്ചില്ല.
ഇതോടെ 30 മത്സരത്തില്‍ നിന്ന് ബാഴ്‌സലോണക്ക് 65 പോയിന്റായി. ഇപ്പോള്‍ റയല്‍ മാഡ്രിഡുമായി മൂന്ന് പോയിന്റിന്റെ വിത്യാസം മാത്രമാണ് ബാഴ്‌സലോണക്ക് ഉള്ളത്. 29 മത്സരം കളിച്ച റയല്‍ മാഡ്രിഡിന് 62 പോയിന്റുമു@ണ്ട്.
ചൊവ്വാഴ്ച അത്‌ലറ്റിക്ക് ക്ലബിനെതിരേയാണ് ബാഴ്‌സലോണയുടെ അടുത്ത മത്സരം. ഇന്നലെ നടന്ന മയ്യോര്‍ക്ക ലെഗാനസ് മത്സരം 1-1ന് സമനിലയില്‍ കലാശിച്ചു. മറ്റൊരു മത്സരത്തില്‍ എതിരില്ലാത്ത ഒരു ഗോളിന് വിയ്യാറയല്‍ ഗ്രനഡയെ പരാജയപ്പെടുത്തി.