കൊച്ചി: താരസംഘടന അമ്മയിലേക്ക് നടന്‍ ദിലീപിനെ തിരിച്ചെടുത്ത നടപടി അംഗീകരിക്കാനാകില്ലെന്ന് സിനിമാ പ്രേക്ഷകരുടെ കൂട്ടായ്മയായ ഇഫ ക്ലാപ് (ഇന്റര്‍നാഷണല്‍ ഫിലിം ഓഡിയന്‍സ് സിനിമാ ലവേഴ്‌സ് അസോസിയേഷന്‍ ആന്റ് പ്രൊഡക്ഷന്‍). തീരുമാനം തെറ്റായി പോയെന്ന് തെളിഞ്ഞ സാഹചര്യത്തില്‍ തിരുത്തുവാന്‍ സംഘടന തയറാകണമെന്നും ഭാരവാഹികള്‍ വാര്‍ത്താ സമ്മേളനത്തില്‍ ആവശ്യപ്പെട്ടു.
അമ്മയുടെ ആഭ്യന്തരകാര്യങ്ങളില്‍ പൊതുജനങ്ങള്‍ ഇടപെടേണ്ടതില്ലെന്ന് പറഞ്ഞ ഗണേഷ് കുമാര്‍ എം.എല്‍.എയുടെ നിലപാട് ധിക്കാരപരമാണ്. സിനിമ തിയേറ്ററുകളില്‍ നിലനില്‍ക്കുന്ന അസൗകര്യങ്ങള്‍ പരിഹരിക്കാന്‍ സര്‍ക്കാര്‍ ഇടപെടണമെന്നും അവര്‍ ആവശ്യപ്പെട്ടു.
ചെയര്‍പേഴ്‌സണ്‍ ഡെന്ന ഡേവി, വൈസ് ചെയര്‍മാന്‍ ലിസ്ജണ്‍ ജോണ്‍, ജനറല്‍ സെക്രട്ടറി അബി തൈപാടന്‍, എല്‍ജോ കല്ലുവീട്ടില്‍ എന്നിവര്‍ വാര്‍ത്ത സമ്മേളനത്തില്‍ പങ്കെടുത്തു.