വാഷിങ്ടണ്‍: പ്രമുഖ മാധ്യമപ്രവര്‍ത്തകന്‍ ജമാല്‍ ഖഷോഗിയുടെ കൊലപാതകത്തില്‍ പങ്കാളികളായ സഊദി സംഘത്തിലെ ചിലര്‍ക്ക് യു.എസ് പരിശീലനം നല്‍കിയെന്ന് റിപ്പോര്‍ട്ട്. വാഷിങ്ടണ്‍ പോസ്റ്റാണ് ഇക്കാര്യം റിപ്പോര്‍ട്ട് ചെയ്തത്.
യു.എസിന്റെയും സഊദിയുടേയും ഇടയിലെ രാഹസ്യാന്വേഷണ, പ്രതിരോധ വിഭാഗങ്ങളുടെ പരസ്പര ധാരണയനുസരിച്ചാണ് പരിശീലനം നല്‍കിയത്. യു.എസ് സ്റ്റേറ്റ് ഡിപ്പാര്‍ട്ട്‌മെന്റിന് കീഴിലാണ് ആവശ്യമായ സഹായങ്ങള്‍ ചെയ്തത്. ശ്വാസം മുട്ടിച്ച് കൊലപ്പെടുത്തിയ ശേഷം മൃതദേഹം കഷ്ണങ്ങളാക്കി ആസിഡില്‍ ഇട്ട് നശിപ്പിച്ചുവെന്നാണ് നേരത്തെയുണ്ടായിരുന്ന റിപ്പോര്‍ട്ട്. എന്നാല്‍ ശബ്ദം പുറത്ത് കേള്‍ക്കാതിരിക്കാന്‍ വൈദ്യുതി വാള്‍ ഉപയോഗിച്ചാണ് മൃതദേഹം വെട്ടിനുറുക്കിയതെന്നാണ് പുതിയ റിപ്പോര്‍ട്ട്.