പുത്രജയ( മലേഷ്യ): പ്രമുഖ ഇസ്‌ലാം മതപ്രഭാഷകന്‍ സാക്കിര്‍ നായിക്കിനെ ഇന്ത്യയിലേക്ക് തിരിച്ചയക്കില്ലെന്ന് മലേഷ്യ അറിയിച്ചു. മലേഷ്യന്‍ പ്രധാനമന്ത്രിയാണ് ഇക്കാര്യം അറിയിച്ചത്.

സാക്കിര്‍ നായിക്കിനെ ഇന്ത്യയിലേക്ക് തിരിച്ചയയ്ക്കുന്ന കാര്യം പുനപ്പരിശോധിക്കണമെന്ന് കഴിഞ്ഞ ദിവസം കേന്ദ്രസര്‍ക്കാര്‍ മലേഷ്യന്‍ സര്‍ക്കാറിനോട് ആവശ്യപ്പെട്ടിരുന്നു. നായിക്കിനെ നാടുകടത്തണമെന്നാവശ്യപ്പെട്ട് ഇന്ത്യന്‍ വിദേശകാര്യമന്ത്രാലയം മലേഷ്യക്ക് ഔദ്യോഗികമായി കത്തയച്ചതായി മലേഷ്യന്‍ ദിനപത്രം റിപ്പോര്‍ട്ട്‌ചെയ്തിരുന്നു. മതവിദ്വേഷം പ്രചരിപ്പിച്ചു എന്ന ആരോപണമാണ് നായിക്ക് നേരിടുന്നത്.

എന്നാല്‍ സാക്കിര്‍ നായിക്ക് മലേഷ്യയില്‍ പ്രശ്‌നങ്ങള്‍ ഉണ്ടാക്കുന്നില്ലെന്നും ഇവിടെ സ്ഥിരതാമസക്കാരനായ അദ്ദേഹത്തെ തിരിച്ചയയ്ക്കാന്‍ ആവില്ലെന്നും പ്രധാനമമന്ത്രി മഹാതിര്‍ മുഹമ്മദ് പറഞ്ഞു.