കോട്ടയം: വയനാട് ന്യൂനപക്ഷ മണ്ഡലമാണെന്ന നരേന്ദ്ര മോദിയുടെ ആക്ഷേപം വസ്തുതാപരമല്ലെന്ന് എ.ഐ.സി.സി ജനറല്‍ സെക്രട്ടറി ഉമ്മന്‍ ചാണ്ടി. വയനാട്ടില്‍ 52 ശതമാനവും ഹിന്ദുക്കളാണ്.
ആലത്തൂരിലെ യു.ഡി.എഫ് സ്ഥാനാര്‍ഥി രമ്യ ഹരിദാസിനെതിരായ എല്‍.ഡി.എഫ് കണ്‍വീനര്‍ എ. വിജയരാഘവന്റെ പരാമര്‍ശം പ്രതിഷേധാര്‍ഹമാണ്. സ്ത്രീത്വത്തെയും ദലിത് വിഭാഗത്തെയുമാണ് വിജയരാഘവന്‍ അധിക്ഷേപിച്ചത്. രാഹുല്‍ ഗാന്ധിക്കെതിരായ അമുല്‍ ബേബി, പപ്പുമോന്‍ പ്രയോഗങ്ങള്‍ സി.പി.എമ്മിന് മനോനില തെറ്റിയതിന്റെ തെളിവാണ്. ഇതിന് ജനങ്ങള്‍ വോട്ടിലൂടെ മറുപടി നല്‍കുമെന്നും ഉമ്മന്‍ ചാണ്ടി പറഞ്ഞു.