തിരുവനന്തപുരം : സുപ്രഭാതം അഞ്ചാം വാര്‍ഷികാഘോഷത്തോടനുബന്ധിച്ചു തിരുവനന്തപുരം യൂനിറ്റില്‍ നടക്കുന്ന പ്രചാരണ പ്രവര്‍ത്തനങ്ങള്‍ക്ക് പ്രഢോജ്വല തുടക്കം.
സമസ്തയുടെയും പോഷക സംഘടനകളുടെയും ജില്ലയിലെ സംസ്ഥാന കൗണ്‍സില്‍ അംഗങ്ങള്‍, ജില്ലാ ഭാരവാഹികള്‍, ജംഇയ്യത്തുല്‍ മുഅല്ലിമീന്‍ റെയിഞ്ച് പ്രസിഡന്റുമാരും സെക്രട്ടറിമാരും അഭ്യുദയകാംക്ഷികളും പങ്കെടുത്തു. എം.എ ചേളാരി ഉദ്ഘാടനം ചെയ്തു. സമസ്ത ജില്ലാ പ്രസിഡന്റ് ഷാജഹാന്‍ ദാരിമി അധ്യക്ഷത വഹിച്ചു. സുപ്രഭാതം സി.ഇ.ഒ മുസ്തഫ മുണ്ടുപാറ, ഡയറക്ടര്‍ സുലൈമാന്‍ ദാരിമി ഏലംകുളം, അസോസിയേറ്റ് എഡിറ്റര്‍ പി.പി മൂസ എന്നിവര്‍ സംസാരിച്ചു. റസിഡന്റ് മാനേജര്‍ അഡ്വ.എം. നൂഹ് സ്വാഗതവും ഹസന്‍ ആലംകോട് നന്ദിയും പറഞ്ഞു.