കൊച്ചി: അടുത്ത സീസണ്‍ മുതല്‍ കേരള ബ്ലാസ്റ്റേഴ്‌സ് താരം ഇയാന്‍ ഹ്യൂം ടീമിനൊപ്പമുണ്ടാവില്ല. താരം തന്നെയാണ് ഇന്‍സ്റ്റഗ്രാമിലൂടെ ഇക്കാര്യം അറിയിച്ചത്. നേരത്തെ തന്നെ ഹ്യൂം ബ്ലാസ്റ്റേഴ്‌സ് വിടുന്ന വാര്‍ത്തകള്‍ പുറത്ത് വന്നിരുന്നു എങ്കിലും ഹ്യൂം തന്നെ അത് പറഞ്ഞതോടെ ആരാധകര്‍ നിരാശയിലായി.
തന്റെ തീരുമനമല്ല ഇതെന്നും ഹ്യൂം പറഞ്ഞു.
'പരുക്കില്‍ നിന്ന് തിരിച്ചുവരാനുള്ള ശ്രമത്തിലാണ് ഞാന്‍. പരുക്ക് ഭേദമായാല്‍ ടീമിനൊപ്പം ചേരണമെന്നും പിഴവുകള്‍ എല്ലാം ശരിയാക്കണമെന്നും ആണ് കരുതിയത്. ക്ലബും അങ്ങനെയാണ് കരുതുന്നത് എന്നായിരുന്നു താന്‍ വിചാരിച്ചത്.
എന്നാല്‍ ക്ലബിന്റെ തീരുമാനങ്ങള്‍ വേറെ ആണെന്ന് ഇപ്പോള്‍ അറിയുന്നു. ഫുട്‌ബോള്‍ പലപ്പോഴും ക്രൂരമായ കാര്യമാണെന്നും ഇതും മറികടക്കാന്‍ പറ്റുമെന്നാണ് വിശ്വാസം' ഹ്യൂം പറഞ്ഞു. ക്ലബിന്റെ ആരാധകര്‍ക്കും ടീമിന്റെ മെഡിക്കല്‍ സ്റ്റാഫുകള്‍ക്കും ഇയാന്‍ ഹ്യൂം നന്ദി രേഖപ്പെടുത്തി. ക്ലബ് എന്നും തന്റെ ജീവിതത്തിന്റെ വലിയ ഭാഗമായിരിക്കും എന്നും ഹ്യൂം പറഞ്ഞു.
കഴിഞ്ഞ വര്‍ഷം കേരള ബ്ലാസ്റ്റേഴ്‌സിലേക്ക് തിരിച്ചെത്തിയ ഹ്യൂം പക്ഷെ പരുക്ക് കാരണം നിരവധി മത്സരങ്ങള്‍ പുറത്തിരിക്കേണ്ടണ്ടി വന്നിരുന്നു. സീസണ്‍ അവസാനവും ഒപ്പം സൂപ്പര്‍ കപ്പും ഇയാന്‍ ഹ്യൂമിന് നഷ്ടപ്പെട്ടിരുന്നു.
ഇപ്പോഴും ആ പരുക്കില്‍ നിന്ന് ഹ്യൂം തിരിച്ചുവരുന്നെ ഉള്ളൂ.രണ്ടണ്ട് സീസണുകളിലായി ബ്ലാസ്റ്റേഴ്‌സിനായി 10 ഗോളുകള്‍ ഇയാന്‍ ഹ്യൂം നേടിയിട്ടുണ്ടണ്ട്.