കോഴിക്കോട്: ഫുട്‌ബോള്‍ പ്ലെയേഴ്‌സ് അസോസിയേഷന്റെ ആഭിമുഖ്യത്തില്‍ എ.പി  മൊയ്തീന്‍ കോയ ട്രോഫിക്ക് വേണ്ടിയുള്ള ജൂനിയര്‍ ഫുട്‌ബോള്‍ ടൂര്‍ണമെന്റില്‍ യൂനിറ്റി എഫ്.സിക്ക് ജയം. ഇന്നലെ നടന്ന ആദ്യമത്സരത്തില്‍ യൂനിറ്റി എഫ്.സിയും യു.കെ.എഫ്.എയും നിശ്ചിതസമയത്ത് ഓരോഗോള്‍ വീതമടിച്ച് സമനിലയില്‍ പിരിഞ്ഞതിനെതുടര്‍ന്ന് ഷൂട്ടൗട്ടിലും ഇരുടീമുകളും ഒപ്പമെത്തിയപ്പോള്‍ നറുക്കെടുപ്പിലൂടെയാണ് വിജയികളെ നിര്‍ണയിച്ചത്. രണ്ടാമത്തെ മത്സരത്തില്‍ വി.പി സത്യന്‍ സോക്കര്‍ സ്‌കൂള്‍ ഒന്നിനെതിരേ അഞ്ച് ഗോളുകള്‍ക്ക് യൂനിവേഴ്‌സല്‍ സോക്കര്‍ സ്‌കൂളിനെ പരാജയപ്പെടുത്തി. ഇന്ന് നടക്കുന്ന മത്സരത്തില്‍ ഗ്രീന്‍സ്റ്റാര്‍ പെരുമണ്ണ, ബേപ്പൂര്‍ എഫ്.എയേയും ക്രസന്റ് എഫ്.എ യൂനിവേഴ്‌സല്‍ അക്കാദമിയേയും നേരിടും.