തൊടുപുഴ:  ഈസ്റ്റര്‍ അവധി ദിനങ്ങളില്‍ കെ.എസ്.ആര്‍.ടി.സി തൊടുപുഴ ഡിപ്പോയില്‍ റെക്കോഡ് കലക്ഷന്‍.
ഈസ്റ്ററിന്റെ പിറ്റേന്നു മാത്രം തൊടുപുഴ ഡിപ്പോ നേടിയത് 10.50 ലക്ഷം രൂപയുടെ കലക്ഷനാണ്. ഇതു ഡിപ്പോയുടെ ചരിത്രത്തിലെ  റെക്കോഡാണ്. നിലവിലുള്ള 65 സര്‍വീസുകള്‍ക്കു പുറമെ തൃശൂര്‍ സെക്ടറില്‍ അഞ്ചു സര്‍വീസുകള്‍ കൂടുതലായി ഓടിച്ചാണ് ഡിപ്പോ റെക്കോഡ് കലക്ഷന്‍ നേടിയത്.
ഡിപ്പോ അധികൃതര്‍ക്കൊപ്പം ജീവനക്കാരും അവധിപോലും എടുക്കാതെയും അധിക ഡ്യൂട്ടി ചെയ്തുമാണ് കലക്ഷന്‍ റെക്കോഡ് നേടിയത്. കോട്ടയം, എറണാകുളം, തൃശൂര്‍ സെക്ടറുകളില്‍ ഓടുന്ന ഫാസ്റ്റ്, സൂപ്പര്‍ ഫാസ്റ്റ് സര്‍വീസുകളാണ് കലക്ഷന്‍ റെക്കോര്‍ഡ് നേടുന്നത്. അതേസമയം തൊടുപുഴ ഡിപ്പോയില്‍ നിന്നുള്ള ഓര്‍ഡിനറി സര്‍വീസുകള്‍ പലതും നഷ്ടത്തിലുമാണ്.