തൃശൂര്‍: ഭീകരതയുടെ രാഷ്ട്രീയത്തിനെതിരേ ഐക്യപ്പെടുക എന്ന പ്രമേയത്തില്‍ എസ്.ഡി.പി.ഐ ദേശവ്യാപകമായി നടത്തുന്ന കാംപയിന്റെ ഭാഗമായി ജില്ലാ കമ്മിറ്റിയുടെ ആഭിമുഖ്യത്തില്‍ തൃശൂരില്‍ 26ന് വൈകീട്ട് പ്രകടനവും പൊതുസമ്മേളനവും നടത്തുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. 26ന് വൈകീട്ട് വടക്കേ സ്റ്റാന്റ് സ്റ്റേഡിയം പരിസരത്ത് നിന്നാംരംഭിക്കുന്ന പ്രകടനം തൃശൂര്‍ കോര്‍പ്പറേഷന് മുന്നില്‍ സമാപിക്കും.
തുടര്‍ന്ന് നടക്കുന്ന പൊതുസമ്മേളനം എസ്.ഡി.പി.ഐ സംസ്ഥാന ജനറല്‍ സെക്രട്ടറി അജ്മല്‍ ഇസ്മായില്‍ ഉദ്ഘാടനം ചെയ്യും. ജില്ലാ പ്രസിഡന്റ് പി.ആര്‍ സിയാദ് അധ്യക്ഷത വഹിക്കും. വാര്‍ത്താസമ്മേളനത്തില്‍ എസ്.ഡി.പി.ഐ ജില്ലാ പ്രസിഡന്റ് പി.ആര്‍ സിയാദ്, ജില്ലാ ജനറല്‍ സെക്രട്ടറി ഇ.എം ലത്തീഫ്, ജില്ലാ കമ്മിറ്റിയംഗം കെ.എം ഇക്ബാല്‍, തൃശൂര്‍ മണ്ഡലം വൈസ് പ്രസിഡന്റ് അബ്ദുള്‍ല്‍റഷീദ് കാളത്തോട് പങ്കെടുത്തു.