അജാനൂര്‍: ആറു പേരുടെ മരണത്തിനിടയാക്കിയ പള്ളിക്കര കാറപകടത്തിന്റെ പശ്ചാത്തലത്തില്‍ റോഡ് സുരക്ഷാ സംസ്‌കാരം വളര്‍ത്തിയെടുക്കാന്‍ ബേക്കല്‍ ഫോര്‍ട്ട് ലയണ്‍സ് ക്ലബിന്റെയും കാഞ്ഞങ്ങാട് മോട്ടോര്‍ വാഹന വകുപ്പിന്റെയും നേതൃത്വത്തില്‍ സൗത്ത് ചിത്താരിയില്‍ ബോധവല്‍ക്കരണ സെമിനാര്‍ സംഘടിപ്പിച്ചു. ലയണ്‍സ് ക്ലബ് ഡിസ്ട്രിക്റ്റ് ചെയര്‍പേഴ്‌സണ്‍ ഡോ. ഷിംജി പി. നായര്‍ ഉദ്ഘാടനം ചെയ്തു. ഖാലിദ് സി. പാലക്കി അധ്യക്ഷനായി. ഹെല്‍മെറ്റ് ഉപയോഗം, സീറ്റ്‌ബെല്‍റ്റ് ഉപയോഗം, മദ്യപിച്ചുള്ള ഡ്രൈവിങ്, ലെയ്ന്‍ ട്രാഫിക്, സീബ്രാലൈന്‍ ക്രോസിങ്, അമിതവേഗം, ട്രാഫിക് നിയമപാലനം തുടിങ്ങിയ വിഷയങ്ങളില്‍ മോട്ടോര്‍ വൈഹിക്കിള്‍ ഇന്‍സ്‌പെക്ടര്‍ റെജി കുര്യാക്കോസ് ക്ലാസെടുത്തു. കൂളിക്കാട് കുഞ്ഞബ്ദുല്ല ഹാജി, ഹാഫിള് മുഹമ്മദ് ശാക്കിര്‍ ഖാസിമി, കെ.യു ദാവൂദ്, അന്‍വര്‍ ഹസ്സന്‍ എം കെ, സി.പി സുബൈര്‍, എം.ബി ഹനീഫ് സംബന്ധിച്ചു. എ.കെ സുബൈര്‍ സ്വാഗതവും ജലീല്‍ എം.കെ നന്ദിയും പറഞ്ഞു.