വൈക്കം: തെരുവ് നായയുടെ കടിയേറ്റ് നിരവധി പേര്‍ക്ക് പരുക്ക്. ഇന്നലെ ഉച്ചക്ക് രണ്ടിന് കാട്ടിക്കുന്നിലാണ് സംഭവം.
പേയിളകിയതിനെത്തുടര്‍ന്ന് കണ്ണില്‍ കണ്ടവരെയെല്ലാം ആക്രമിച്ച നായ മറ്റ് നായ്ക്കളെയും കടിച്ചു. തുടര്‍ന്ന് നാട്ടുകാര്‍ നായയെ തല്ലിക്കൊന്നു.
കാട്ടിക്കുന്ന് ചാണിയില്‍ ബാബു, ഞാറാട്ടില്‍ മിഥുന്‍ ഷാജി, മുട്ടില്‍ ജമീല എന്നിവര്‍ക്കാണ് നായയുടെ ആക്രമണത്തില്‍ പ്രധാനമായും പരുക്കേറ്റത്.