വാഷിങ്ടണ്‍: ഇക്കൊല്ലത്തെ ഭൗമ ദിനത്തോടനുബന്ധിച്ച് 'നാസ' നിങ്ങളുടെ ചിത്രങ്ങളും ക്ഷണിക്കുന്നു. നിങ്ങള്‍ പങ്കുവച്ച ചിത്രങ്ങള്‍ കാണുന്നതിനായി ഇന്‍സ്റ്റഗ്രാം, ഫേസ്ബുക്ക്, ട്വിറ്റര്‍ എന്നിവ നാസ പരിശോധിക്കും. വീഡിയോകളും പങ്കുവയ്ക്കാവുന്നതാണെന്നും ചിത്രം ഏവിടെനിന്ന് എടുത്തതാണെന്നതുള്‍പ്പെടെയുള്ള ലഘുവിവരണം വ്യക്തമാക്കണം. ആഞ്ഞടിക്കുന്ന തിരമാലകള്‍, കാലപ്പഴക്കംചെന്ന വൃക്ഷങ്ങള്‍, വിടരുന്ന പൂവുകള്‍, ശോഭയുള്ള സൂര്യാസ്തമയവും ഉദയവും തുടങ്ങിയ ദൃശ്യങ്ങളുടെ ചിത്രങ്ങളോ വീഡിയോകളോ ആണ് പങ്കുവയ്‌ക്കേണ്ടത്.