മുതലക്കോടം: ഹജ്ജിന്റെ ആത്മാവായ ജീവിത വിശുദ്ധി കൈവരിക്കുക എന്നതാവണം ഓരോ ഹാജിയും അവരുടെ പുണ്യ യാത്രയുടെ ലക്ഷ്യമായി കാണേണ്ടതെന്ന് മുതലക്കോടം പഴേരി മുഹ്‌യദ്ദീന്‍ ജുമാ മസ്ജിദ് ഇമാം മുഹമ്മദ് ഹനീഫ് കാശിഫി പറഞ്ഞു. പഴേരി മുഹ്‌യദ്ദീന്‍ ജുമാ മസ്ജിദ് പരിപാലന സമിതിയുടെ ആഭിമുഖ്യത്തില്‍ സംഘടിപ്പിച്ച ഹാജിമാര്‍ക്കുള്ള യാത്രയയപ്പും പഠന ക്ലാസും ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം.
പഴേരി അന്‍സാറുല്‍ ഇസ്ലാം മദ്‌റസാ ഹാളില്‍ നടന്ന യാത്രയയപ്പില്‍ മുഹ്‌യദ്ദീന്‍ ജുമാ മസ്ജിദ് പ്രസിഡന്റ് കെ എസ് ഹസ്സന്‍കുട്ടി അധ്യക്ഷത വഹിച്ചു. അസി. ഇമാം മൈതീന്‍കുട്ടി ഉസ്താദ് പ്രാര്‍ത്ഥന നിര്‍വഹിച്ചു. ജമാഅത്ത് ഭാരവാഹികളായ പി ഇ നൗഷാദ്, പി ഇ ബഷീര്‍, എം പി സലിം, പി കെ അനസ്, പി യു ഷമീര്‍, സി ബി ഹംസ, എന്നിവര്‍ സംസാരിച്ചു. കെ ബി അസീസ് സ്വാഗതവും പി എച്ച് സുധീര്‍ നന്ദിയും പറഞ്ഞു.