പാലക്കാട്: മൂന്നാറില്‍ സമരപ്പന്തല്‍ പൊളിക്കാന്‍ ശ്രമിച്ചവര്‍ക്കെതിരേ നടപടിയെടുക്കണമെന്ന് കെ.പി.സി.സി പ്രസിഡന്റ് എം.എം ഹസന്‍. പാലക്കാട്ട് മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.
ഇവര്‍ക്കെതിരേ കേസെടുക്കാന്‍ ഡി.ജി.പിയോട് ആവശ്യപ്പെടുകയാണ്. ആഭ്യന്തരമന്ത്രിയോട് പറഞ്ഞിട്ട് കാര്യമില്ല. മുഖ്യമന്ത്രിയുടെ നിലപാടാണ് സമരപ്പന്തല്‍ പൊളിക്കാന്‍ പ്രോത്സാഹനമായതെന്നും അദ്ദേഹം പറഞ്ഞു.
സെന്‍കുമാര്‍ വിഷയത്തില്‍ കോടതി വിധി നടപ്പാക്കണം. സെന്‍കുമാറിനെ ഡി.ജി.പിയായി നിയമിക്കാത്തത് കോടതിയോടുള്ള അനാദരവാണ്. വിധി നടപ്പിലായില്ലെങ്കില്‍ സര്‍ക്കാരിനെതിരേ കോടതിയലക്ഷ്യത്തിന് കേസെടുക്കണം.
സെന്‍കുമാറിനെ നിയമിക്കാത്തത് കോടതിയെ അനാദരിക്കലാണ്. നിയമനം വൈകുന്നതിനെതിരേ കോടതിയലക്ഷ്യത്തിന് നടപടിയെടുക്കണമെന്നും എം.എം ഹസന്‍ ആവശ്യപ്പെട്ടു.