തിരുവനന്തപുരം: കൊവിഡ് മാനദണ്ഡങ്ങള്‍ കാറ്റില്‍ പറത്തി തിരുവനന്തപുരത്ത് സി.പി.എം സ്വീകരണ ചടങ്ങ്. ബി.ജെ.പി വിട്ട് സി.പി.ഐ.എമ്മിലെത്തിയ പ്രവര്‍ത്തകര്‍ക്ക് കൊവിഡ് മാനദണ്ഡങ്ങള്‍ ലംഘിച്ച് നേതാക്കള്‍ സ്വീകരണം നല്‍കിയത്.
ജില്ലാ സെക്രട്ടറി ആനാവൂര്‍ നാഗപ്പന്റെ നേതൃത്വത്തിലാണ് സമ്മേളനം നടത്തിയത്. നെയ്യാറ്റിന്‍കര എം.എല്‍.എ എ.കെ ആന്‍സലനും പരിപാടിയില്‍ പങ്കെടുത്തു.

നെയ്യാറ്റിന്‍കര ചെങ്കല്‍കാരിയോട് നടന്ന സമ്മേളനത്തില്‍ നൂറിലധികം ആളുകള്‍ പങ്കെടുത്തിരുന്നു. പാറശാല ചെങ്കല്‍ പ്രദേശങ്ങളില്‍ കൊവിഡ് ക്ലസ്റ്ററുകള്‍ രൂപപ്പെടുന്നുണ്ടെന്നും അതീവ ജാഗ്രത ആവശ്യമാണെന്നും മുഖ്യമന്ത്രി പറഞ്ഞതിന് പിന്നാലെയാണ് ഇത്തരമൊരു പരിപാടി സംഘടിപ്പിച്ചത്.