ജമ്മു: ജമ്മുകശ്മീരിലെ നിയന്ത്രണരേഖയില്‍ വെടിവയ്പ്പില്‍ കൊല്ലപ്പെട്ട ഇന്ത്യന്‍ സൈനികരുടെ മൃതദേഹം പാകിസ്താന്‍ സൈനികര്‍ വികൃതമാക്കി. രണ്ട് ഇന്ത്യന്‍ സൈനികരുടെ മൃതദേഹങ്ങളാണ് പാക് സൈനികര്‍ അംഗഛേദം വരുത്തിയത്. ഇതോടെ അതിര്‍ത്തിയില്‍ സംഘര്‍ഷം രൂക്ഷമായി. പാക് സൈന്യത്തിന്റെ നടപടിക്ക് ശക്തമായ തിരിച്ചടി നല്‍കുമെന്ന് ഇന്ത്യന്‍ സേന വ്യക്തമാക്കി.

പൂഞ്ച് ജില്ലയിലെ കൃഷ്ണഘാട്ടി സെക്ടറില്‍ രാവിലെ പാക് ആക്രമണത്തില്‍ കൊല്ലപ്പെട്ട സൈനികരുടെ മൃതദേഹങ്ങളാണ് വികൃതമാക്കിയത്. ആക്രമണത്തില്‍ ഒരു സൈനികന് പരുക്കേല്‍ക്കുകയും ചെയ്തു. പതി് പട്രോളിങ് നടത്തുകയായിരുന്നു സൈനികര്‍.

പാകിസ്താന്റെ പ്രവര്‍ത്തി ഒരിക്കലും സൈനികര്‍ക്ക് ചേരാത്ത പ്രവൃത്തിയാണെന്ന് നോര്‍ത്തേണ്‍ കമാന്‍ഡര്‍ പറഞ്ഞു. പാകിസ്താന്റെ ഈ നിന്ദ്യമായ നടപടിക്ക് ഉചിതമായ തിരിച്ചടി നല്‍കുമെന്നും അദ്ദേഹം പറഞ്ഞു.