പാലക്കാട് : പൊതുതെരഞ്ഞെടുപ്പിനോടനുബന്ധിച്ചുള്ള വോട്ടെുപ്പ് ദിനമായ ഇന്ന്് സ്ഥാനാര്‍ഥികളും രാഷ്ട്രീയപാര്‍ട്ടികളും പോളിങ് ഉദ്യോഗസ്ഥരും പാലിക്കേണ്ട നിര്‍ദേശങ്ങള്‍ സംബന്ധിച്ച് ജില്ല തെരഞ്ഞെടുപ്പ് ഉദ്യോഗസ്ഥന്‍ കൂടിയായ ജില്ലാ കലക്ടര്‍ ഉത്തരവിറക്കി. -പോളിങ് ദിവസം രാഷട്രീയപാര്‍ട്ടികളുടെ മീറ്റിങ്ങും ഘോഷയാത്രകളും പൂര്‍ണ്ണമായും നിരോധിച്ചിട്ടുണ്ട്.
രാഷ്ട്രീയപാര്‍ട്ടിഅംഗങ്ങള്‍,സ്ഥാനാര്‍ത്ഥികള്‍, മുഖ്യ തെരഞ്ഞെടുപ്പ് ഏജന്റ് എിവര്‍ പൊലിസിന്റെയും സെക്ടര്‍ മജിസ്‌ട്രേറ്റിന്റെയും നിര്‍ദ്ദേശങ്ങളുമായി സഹകരിക്കേണ്ടതാണ്. -പോളിങ് ദിവസം തെരഞ്ഞെടുപ്പ് ആവശ്യങ്ങള്‍ക്കായി റിട്ടേണിംഗ് ഓഫീസറില്‍ നിന്ന് അനുവാദം ലഭിച്ചവര്‍ക്ക് മാത്രമേ വാഹനങ്ങള്‍ ഉപയോഗിക്കാന്‍ പാടുള്ളൂ.-
പാര്‍ലിമെന്ററി നിയോജകമണ്ഡലത്തിലെ ഒരു സ്ഥാനാര്‍ഥിക്ക് ഒന്നും അവരുടെ ചീഫ് ഇലക്ഷന്‍ ഏജന്റിന് ഒന്നും മണ്ഡലടിസ്ഥാനത്തില്‍ ഒരോ വീതം വാഹനങ്ങളാണ് അനുവദിക്കു്. അതിനോട് ബന്ധപ്പെട്ട അസംബ്ലി മണ്ഡലത്തില്‍ സ്ഥാനാര്‍ഥിക്ക് വേണ്ടി പ്രവര്‍ത്തിക്കുവാന്‍ ഒരു വാഹനം അനുവദിക്കും. ഈ വാഹനത്തില്‍ യാതൊരു തരത്തിലും വോട്ടര്‍മാരെ കൊണ്ടുപോകാന്‍ പാടില്ല.
പോളിങ് സമയത്ത് പൊലിസ്, സെക്ടര്‍ മജിസ്‌ട്രേറ്റ് എന്നിവര്‍ നല്‍കുന്ന നിര്‍ദേശങ്ങളോട് രാഷ്ട്രീയ പാര്‍ട്ടിയിലെ അംഗങ്ങള്‍, സ്ഥാനാര്‍ത്ഥികള്‍, ചീഫ് ഇലക്ഷന്‍ ഏജന്റുമാര്‍ എന്നിവര്‍ സഹകരിക്കേണ്ടതാണ്.
ഈ നിര്‍ദേശങ്ങള്‍ ലംഘിച്ചാല്‍ പൊതുപെരുമാറ്റചട്ടലംഘനമായി കണക്കാക്കുകയും പിഴ അടക്കമുള്ള നടപടികള്‍ക്ക് വിധേയമാക്കുകയും ചെയ്യും.-റിട്ടേണിംഗ് ഓഫിസറുടെ ഓഫിസില്‍ നിന്ന് അനുവദിക്കുന്ന വാഹനങ്ങളല്ലാതെ മറ്റ് വാഹനങ്ങളൊന്നും തന്നെ രാഷ്ട്രീയ പാര്‍ട്ടി പ്രതിനിധികള്‍ ഉപയോഗിക്കാന്‍ പാടുള്ളതല്ല. തെരഞ്ഞെടുപ്പ് ആവശ്യങ്ങള്‍ക്കായി ഉപയോഗിക്കുന്ന വാഹനത്തില്‍ ഡ്രൈവര്‍ ഉള്‍പ്പെടെ അഞ്ചുപേരില്‍ കൂടുതല്‍ പാടില്ല.
ജില്ല തെരഞ്ഞെടുപ്പ് ഓഫീസറുടെ അനുമതിയോടെ സ്ഥാനാര്‍ത്ഥികള്‍ക്ക് അനുവദിക്കുന്ന വാഹനങ്ങളില്‍ വിന്‍ഡ് സ്‌ക്രീനില്‍ അനുമതിരേഖ പ്രദര്‍ശിപ്പിക്കേണ്ടതാണ്. മേല്‍ പറഞ്ഞ നിര്‍ദേശങ്ങള്‍ പോളിങ് അവസാനിക്കുന്നതുവരെ പാലിക്കണം. ടാക്‌സി, കാര്‍, ട്രക്ക്, ടാങ്കര്‍, ഓട്ടേറിക്ഷ, സ്‌കൂട്ടര്‍, മിനി ബസുകള്‍ എന്നിവ ഇതില്‍ ഉള്‍പ്പെടുന്നവയല്ല. നിര്‍ദേശങ്ങള്‍ ലംഘിക്കുന്നവര്‍ക്കെതിരെ പി ആര്‍ ആക്ട് 1957, ഐ പി സി, മോട്ടോര്‍ വെഹിക്കിള്‍ ആക്റ്റ്്് എന്നിവ പ്രകാരം നടപടി സ്വീകരിക്കുന്നതാണ്്.