കൊച്ചി: ടെലിവിഷന്‍ പത്രമാധ്യമങ്ങള്‍ക്ക് നിയന്ത്രണം ഏര്‍പ്പെടുത്തണമെന്ന പൊതുതാല്‍പര്യ ഹരജി കേരള ഹൈക്കോടതി തള്ളി. ചീഫ് ജസ്റ്റിസ് എസ്. മണികുമാര്‍, ജസ്റ്റിസ് പി. ചാലി എന്നിവരടങ്ങുന്ന ബെഞ്ചിന്റേതാണ് ഉത്തരവ്. കെ.എസ്. ഹല്‍വി എന്ന അഭിഭാഷകനാണ് ഇക്കാര്യം ആവശ്യപ്പെട്ട് കോടതിയെ സമീപിച്ചത്.

രാഷ്ട്രീയ താല്‍പര്യങ്ങള്‍ക്ക് വേണ്ടി മാധ്യമങ്ങള്‍ അവരുടെ അഭിപ്രായപ്രകടനത്തിനുള്ള അവകാശം ദുരുപയോഗിക്കുന്നു, രാഷ്ട്രീയനേതാക്കളെക്കുറിച്ച് സര്‍ക്കാരിനു വേണ്ടി പ്രവര്‍ത്തിക്കുന്നവരെക്കുറിച്ചോ കാഴ്ചക്കാരുടെ മനസ്സില്‍ തെറ്റിദ്ധാരണ ഉണ്ടാക്കാനായി മാധ്യമങ്ങള്‍ ശ്രമിക്കുന്നു. ഔദ്യോഗിക നീതിനിര്‍വഹണ സംവിധാനത്തെ മറികടന്ന് മാധ്യമവിചാരണകള്‍ നടത്തുന്നു. ഇതിലൂടെ ശരിയായ നിയമവിചാരണകളില്‍ മാധ്യമങ്ങള്‍ അനാവശ്യ ഇടപെടലുകള്‍ നടത്തുന്നു തുടങ്ങിയ വാദങ്ങളാണ് ഹരജിക്കാരന്‍ ഉന്നയിച്ചത്.