നെടുമ്പാശ്ശേരി: കുന്നുകര ഗ്രാമപഞ്ചായത്തിലെ കുറ്റിപ്പുഴ ജെ.ബി.എസ് സ്‌കൂളിലെ 39ാം നമ്പര്‍ ബൂത്തില്‍ വോട്ടിങ് യന്ത്രത്തില്‍ അഞ്ചു വോട്ടിന്റെ കുറവ്.
യഥാര്‍ഥത്തില്‍ 909 പേര്‍ വോട്ട് രേഖപ്പെടുത്തിയെങ്കിലും അവസാനം യന്ത്രത്തില്‍ തെളിഞ്ഞത് 904 വോട്ടാണ്. ഇതേതുടര്‍ന്ന് യു.ഡി.എഫ് പ്രവര്‍ത്തകര്‍ റിട്ടേണിങ് ഓഫിസര്‍ക്കു പരാതി നല്‍കി.പോളിങ് പൂര്‍ത്തിയായ ശേഷം നടത്തിയ കണക്കെടുപ്പിലാണ് വ്യത്യാസം ശ്രദ്ധയില്‍പെട്ടത്.