വെങ്ങപ്പള്ളി: മതപഠന രംഗത്തെ കേരളീയ മാതൃക അനുകരണീയമാണെന്ന് അഖിലേന്ത്യാ സുന്നത്ത് ജമാഅത്ത് പ്രസിഡന്റും പശ്ചിമ ബംഗാളിലെ ജാമിഅ റഹ്മാനിയ്യ ഡയരക്ടറുമായ മുഫ്തി അബ്ദുല്‍ ഖയ്യൂം പറഞ്ഞു. യഅ്കൂബ് അലി, സാഹിബുല്‍ ഇസ്‌ലാം, മൂസാ, കലീം തുടങ്ങിയ പശ്ചിമ ബംഗാള്‍ പ്രതിനിധി സംഘത്തിന് വെങ്ങപ്പള്ളി ശംസുല്‍ ഉലമാ ഇസ്‌ലാമിക് അക്കാദമിയില്‍ നല്‍കിയ സ്വീകരണത്തില്‍ സംസാരിക്കുകയായിരുന്നു അദ്ദേഹം. സയ്യിദ് ശിഹാബുദ്ദീന്‍ തങ്ങള്‍ വാഫി, ഹംസ ഫൈസി റിപ്പണ്‍, മന്‍സൂര്‍ ഹുദവി, ജഅ്ഫര്‍ ഹൈതമി, ഹാമിദ് റഹ്മാനി, സിറാജുദ്ദീന്‍ നിസ്മി, കെ.എ നാസര്‍ മൗലവി, നുഅ്മാന്‍ ഹുദവി, നൗഫല്‍ വാഫി, ഉനൈസലി വാഫി, സലീം മാസ്റ്റര്‍ സംസാരിച്ചു.