കിനാലൂര്‍: ഈ വര്‍ഷത്തെ എസ്.എസ്.എല്‍.സി, പ്ലസ്ടു പരീക്ഷകളില്‍ മികച്ച വിജയം നേടിയ എ.എം.എച്ച്.എസ്.എസ്സിലെ വിദ്യാര്‍ഥികള്‍ക്കു നല്‍കിയ സ്വീകരണം 'മെറിറ്റ് ഡേ' പനങ്ങാട് ഗ്രാമപഞ്ചായത്ത് വൈസ് പ്രസിഡന്റ് പി. ഉസ്മാന്‍ ഉദ്ഘാടനം ചെയ്തു. പ്രിന്‍സിപ്പല്‍ വി.പി ഇബ്രാഹിം മാസ്റ്റര്‍ അധ്യക്ഷനായി.
പി.ടി.എ പ്രസിഡന്റ് ഇ.പി ലത്തീഫ് മാസ്റ്റര്‍ അവാര്‍ഡ് വിതരണം ചെയ്തു. ഹെഡ്മിസ്ട്രസ് പി.പി രോഹിണി, സ്റ്റാഫ് സെക്രട്ടറി ഷാനവാസ് കുറുമ്പൊയില്‍, പി.ടി.എ വൈസ് പ്രസിഡന്റ് സി.വി മുരളി, എന്‍.പി രാമദാസ്, കെ.എം ജലീല്‍, കബീര്‍, സജേഷ്, അധ്യാപകരായ ആര്‍.കെ പുഷ്‌കരന്‍, സി. മുഹമ്മദ് മാസ്റ്റര്‍, ഉഷാദേവി നേതൃത്വം നല്‍കി.