ദോഹ: ഇസ്‌ലാമിക പ്രബോധന രംഗത്ത് ദീനീസ്ഥാപനങ്ങള്‍ വഹിക്കുന്ന പങ്ക് നിസ്തുലമാണെന്ന് സമസ്ത കേരള ജംഇയ്യത്തുല്‍ ഉലമ പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ പ്രസ്താവിച്ചു. കേരളത്തിലെ മതകീയ മേഖലയിലുണ്ടായ മുന്നേറ്റത്തിന്റെ പ്രധാന കാരണം ഇത്തരം സ്ഥാപനങ്ങളാണ്. വിദേശ മലയാളികളുടെ കൂട്ടായ്മയിലൂടെ സ്ഥാപിക്കപ്പെട്ട ദീനീസ്ഥാപനങ്ങള്‍ ഉണ്ടാക്കിയ വിപ്ലവം തുല്യതയില്ലാത്തതാണ്. തങ്ങള്‍ കൂട്ടിച്ചേര്‍ത്തു.
ആക്കോട് ഇസ്‌ലാമിക് സെന്റര്‍ ഖത്തര്‍ ചാപ്റ്റര്‍ കമ്മിറ്റി ദോഹ റീജന്‍സി ഹാളില്‍ സംഘടിപ്പിച്ച ഇഫ്താര്‍ സംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കെ. സൈനുല്‍ ആബിദീന്‍ സഫാരി അധ്യക്ഷനായി. പാണക്കാട് സയ്യിദ് ഹമീദ് അലി ശിഹാബ് തങ്ങള്‍, മുസ്തഫ ഹുദവി ആക്കോട്, മുസ്തഫ മുണ്ടുപാറ, സുലൈമാന്‍ മേല്‍പ്പത്തൂര്‍, എ.വി അബൂബക്കര്‍ അല്‍ ഖാസിമി, എം.പി അബ്ദുല്ല ഹാജി, കുടക് അബ്ദുറഹിമാന്‍ മുസ്‌ലിയാര്‍, മൊയ്തീന്‍ കുട്ടി ദാരിമി, അബ്ദുല്ല ഫൈസി, അഷ്‌റഫ് പട്ടാര, കെ.കെ ഉസ്മാന്‍, ഫൈസല്‍ ഹുദവി, ഇസ്മാഈല്‍ ഹുദവി, കരീം ടീ ടൈം പങ്കെടുത്തു. ജനറല്‍ സെക്രട്ടറി പി.പി ഫഹദ് സ്വാഗതവും ട്രഷറര്‍ മഹറൂഫ് മട്ടന്നൂര്‍ നന്ദിയും പറഞ്ഞു.