ബി.ടെക്, എം.ടെക് പഠിക്കുന്ന പെണ്‍കുട്ടികള്‍ക്ക് പ്രതിരോധ മന്ത്രാലയത്തിന്റെ ഡിഫന്‍സ് റിസര്‍ച്ച് ആന്‍ഡ് ഡെവലപ്‌മെന്റ് ഓര്‍ഗനൈസേന്റെ (ഡി.ആര്‍.ഡി.ഒ) സ്‌കോളര്‍ഷിപ്പുകള്‍ ലഭിക്കാന്‍ ഇപ്പോള്‍ അപേക്ഷിച്ചു തുടങ്ങാം. 

ബിരുദ പഠനത്തിന് വര്‍ഷം 1,20,000 രൂപ അല്ലെങ്കില്‍ യഥാര്‍ഥ ഫീസ്, ഏതാണോ കുറവ് അത്. പി.ജി പഠനത്തിന് മാസം 15,500 രൂപ നല്‍കും. പരമാവധി 1,86,000. ബിരുദതലത്തില്‍ 20ഉം പി.ജി തലത്തില്‍ 10ഉം സ്‌കോളര്‍ഷിപ്പുകളാണ് നല്‍കുക. ബി.ഇ, ബി.ടെക്, ബി.എസ്.സി (എന്‍ജിനീയറിങ്), കോഴ്‌സില്‍ 2019-20ല്‍ ആദ്യവര്‍ഷം ആയിരിക്കണം. സ്‌കോളര്‍ഷിപ്പിന് അര്‍ഹത ലഭിക്കണമെങ്കില്‍ ജെ.ഇ.ഇ മെയിന്‍ യോഗ്യതയില്‍ സാധുവായ സ്‌കോര്‍ നിര്‍ബന്ധമാണ്. 

ഡ്യുവല്‍ ഡിഗ്രി, ഇന്റഗ്രേറ്റഡ് മാസ്റ്റേഴ്‌സ് പഠനം നടത്തുന്നവര്‍ക്കും സ്‌കോളര്‍ഷിപ്പിന് അപേക്ഷിക്കാം.https:rac.gov.in
എന്ന വെബ്‌സൈറ്റ് വഴി ഈ മാസം 30 വരെ അപേക്ഷിക്കാം.