റിയാദ്: തുര്‍ക്കിയിലെ ഫത്ഹുല്ല ഓര്‍ഗനൈസേഷന്‍ (ഫെറ്റോ) ബന്ധമുള്ള പതിനാറു പേരെ സഊദി സുരക്ഷാ സേന അറസ്റ്റു ചെയ്തു. അനധികൃത മാര്‍ഗത്തിലൂടെ തീര്‍ഥാടകരെ സഊദിയിലേക്ക് കൊണ്ടണ്ടുവരികയും അതില്‍ നിന്ന് ലഭിക്കുന്ന വരുമാനം ഓര്‍ഗനൈസേഷന് എത്തിച്ചു നല്‍കുകയും ചെയ്യുന്നതായി കണ്ടെ@ത്തിയതിനെ തുടര്‍ന്നാണ് ഇവരെ പിടികൂടിയതെന്ന് തുര്‍ക്കി അധികൃതര്‍ പ്രാദേശിക മാധ്യമങ്ങളോട് വ്യക്തമാക്കി.
തുര്‍ക്കി നാഷനല്‍ ഇന്റലിജന്‍സ് ഓര്‍ഗനൈസേഷന്‍ (എം.ഐ.ടി) യുടെ ഇടപെടലിനെ തുടര്‍ന്നാണ് ഇവരെ അറസ്റ്റു ചെയ്തത്. കഴിഞ്ഞ വര്‍ഷം തുര്‍ക്കിയില്‍ 249 പേരുടെ മരണത്തിനും 2000 പേര്‍ക്ക് പരുക്കേല്‍ക്കാനും ഇടയാക്കിയ അട്ടിമറി ശ്രമം നടത്തിയ സ്‌ഫോടനത്തിന്റെ പിന്നില്‍ പ്രവര്‍ത്തിച്ചുവെന്നു തുര്‍ക്കി സര്‍ക്കാര്‍ ആരോപിക്കുന്നുണ്ട്.