തിരുവനന്തപുരം: യു.എ.ഇ ദിനാഘോഷവുമായി ബന്ധപ്പെട്ട് സ്വപ്‌ന സുരേഷ് വഴി പ്രതിപക്ഷ നേതാവിന് ഐഫോണ്‍ സമ്മാനമായി നല്‍കിയെന്ന സന്തോഷ് ഈപ്പന്റെ പരാമര്‍ശത്തിനെതിരെ രമേശ് ചെന്നിത്തല നിയമനടപടിയ്ക്ക്. യൂണിടാക് എം.ഡിയ്ക്ക് നാളെ വക്കീല്‍നോട്ടിസ് അയക്കും.

കേസെടുക്കാന്‍ ഹൈക്കോടതിയെയോ ചീഫ് ജുഡീഷ്യല്‍ മജിസ്ട്രേറ്റിനെയോ സമീപിക്കാനും ആലോചനയുണ്ട്. ഫോണ്‍ ആരുടെ കൈവശമാണെന്ന് കണ്ടെത്തണമെന്നാവശ്യപ്പെട്ട് അദ്ദേഹം നേരത്തെ ഡി.ജി.പിക്ക് കത്തയച്ചിരുന്നു.

ലൈഫ് മിഷന്‍ പദ്ധതി ക്രമക്കേടുമായി ബന്ധപ്പെട്ട സി.ബി.ഐ അന്വേഷണത്തിനെതിരെ സന്തോഷ് ഈപ്പന്‍ ഹൈക്കോടതിയില്‍ സമര്‍പ്പിച്ച ഹരജിയിലാണ് പ്രതിപക്ഷനേതാവിനെതിരായ പരാമര്‍ശമുള്ളത്.