പരപ്പനങ്ങാടി: റോഡ് പൂര്‍ണമായും തകര്‍ന്ന കടലുണ്ടി-പരപ്പനങ്ങാടി റോഡിലെ യാത്രക്കാര്‍ക്ക് ദുരിതമായ പൊടിശല്യം പരിഹരിക്കാന്‍ നിര്‍ത്തിവച്ച റോഡ് പണി ഉടന്‍ ആരംഭിക്കണമെന്ന് ആവശ്യപ്പെട്ട് പരപ്പനങ്ങാടി മണ്ഡലം കോണ്‍ഗ്രസ് കമ്മിറ്റി പ്രതീകാത്മക മാസ്‌ക് വിതരണ സമരം നടത്തി.
സ്വയം മാസ്‌ക് ധരിച്ചു പ്രതിഷേധിച്ച പ്രവര്‍ത്തകര്‍ പരപ്പനങ്ങാടി ടൗണിലെ വ്യാപാരികള്‍ക്കും ഡ്രൈവര്‍മാര്‍ക്കും യാത്രക്കാര്‍ക്കും മാസ്‌കുകള്‍ വിതരണം ചെയ്തു.പി ഒ സലാം, പാണ്ടി അലി, സുരേന്ദ്രന്‍ ചെട്ടിപ്പടി, കൂട്ടുങ്ങല്‍ മുഹമ്മദ്കുട്ടി, ലത്തീഫ് പാലത്തിങ്ങള്‍, മുസ്തഫ കളരിക്കല്‍, അമീര്‍ സ്റ്റേഡിയം, ഫിറോസ് ഖാന്‍, ഉണ്ണാച്ചന്‍ ഹംസക്കോയ എന്നിവര്‍ നേതൃത്വം നല്‍കി.