കോഴിക്കോട്: ജക്കാര്‍ത്തയില്‍ നടന്ന ഏഷ്യന്‍ ഗെയിംസില്‍ മെഡല്‍ ജേതാക്കളായ ജിന്‍സന്‍ ജോണ്‍സണ്‍, നീന വരകില്‍, പരിശീലകന്‍ കെ.എം പീറ്റര്‍ എന്നിവര്‍ക്ക് കോഴിക്കോട്ട് സ്വീകരണം നല്‍കി. ജില്ലാ സ്‌പോര്‍ട്‌സ് കൗണ്‍സിലിന്റെ ആഭിമുഖ്യത്തില്‍ സംഘടിപ്പിച്ച സ്വീകരണം മേയര്‍ തോട്ടത്തില്‍ രവീന്ദ്രന്‍ ഉദ്ഘാടനം ചെയ്തു. ഡോ. എം.കെ മുനീര്‍ എം.എല്‍.എ, സംസ്ഥാന സ്‌പോര്‍ട്‌സ് കൗണ്‍സില്‍ പ്രസിഡന്റ് ടി.പി ദാസന്‍, പത്രപ്രവര്‍ത്തക യൂനിയന്‍ പ്രസിഡന്റ് കമാല്‍ വരദൂര്‍ എന്നിവര്‍ ഉപഹാര സമര്‍പ്പണവും കാഷ് അവാര്‍ഡ് വിതരണവും നടത്തി. ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് കെ.ജെ മത്തായി, സെക്രട്ടറി പി.പി അനിത സംസാരിച്ചു. ജിന്‍സന്‍ ജോണ്‍സണ്‍, നീന വരകില്‍, കെ.എം പീറ്റര്‍ മറുമൊഴി നടത്തി.