സപ്ലൈക്കോയുടെ കീഴില്‍ നടക്കുന്ന വ്യാജ തൊഴില്‍ റിക്രൂട്ട്‌മെന്റ് വാര്‍ത്തകളില്‍ വഞ്ചിതരാവരുതെന്ന് സപ്ലൈക്കോ ജനറല്‍ മാനേജര്‍ വികെ അബ്ദുല്‍ ഖാദര്‍ അറിയിച്ചു. കഴിഞ്ഞ കുറച്ച് ദിവസങ്ങളിലായി സമൂഹ മാധ്യമങ്ങളില്‍ വ്യപകമായി പ്രചരിക്കുന്ന റിക്രൂട്ട്‌മെന്റ് പോസ്റ്റുകളും, വീഡിയോകളും വ്യാജമാണെന്നും സപ്ലൈക്കോ അറിയിച്ചു. 

സപ്ലൈക്കോയില്‍ സ്ഥിരം ജീവനക്കാരെ പിഎസ് സി മുഖേനയാണ് നിയമിക്കുന്നത്. താല്‍ക്കാലിക നിയമനങ്ങള്‍ നടത്തുന്നതിന് മുന്‍പായി പത്രമാധ്യമങ്ങളിലും, സപ്ലൈക്കോയുടെ ഔദ്യോഗിക സമൂഹമാധ്യമ പേജുകളിലും അറിയിപ്പ് നല്‍കാറുണ്ട്. മറ്റ് മാധ്യമങ്ങളില്‍ പ്രചരിക്കുന്ന വാര്‍ത്തകള്‍ക്ക് സപ്ലൈക്കോയുമായി യാതൊരു ബന്ധവുമില്ല. 

ALSO READ: ജിസിസി രാജ്യങ്ങളില്‍ ഏറ്റവും കുറവ് ജീവിതച്ചെലവ് ഉള്ളത് ഈ രാജ്യത്തെന്ന് റിപ്പോര്‍ട്ട്

വ്യാജ പ്രചരണങ്ങളില്‍ വഞ്ചിതരാവാതിരിക്കാന്‍ പൊതുജനങ്ങള്‍ ജാഗ്രത പാലിക്കണമെന്നും സപ്ലൈക്കോ മുന്നറിയിപ്പില്‍ വ്യക്തമാക്കി. 

വിശദവിവരങ്ങള്‍ക്ക് ഉദ്യോഗാര്‍ഥികള്‍ സപ്ലൈക്കോയുടെ ഔദ്യോഗിക വെബ്‌സൈറ്റായ http://www.supplycokerala.com/ മാത്രം ഉപയോഗിക്കുക. Phone: 04842205165

സപ്ലൈക്കോ ഫേസ്ബുക്ക് പേജ് ചുവടെ നല്‍കുന്നു.

SUPPLYCO General Manager V.K. Abdul Khader has warned the public not to fall for fake job recruitment messages being circulated in the name of SUPPLYCO.