ലണ്ട@ന്‍: ലോകകപ്പ് ക്രിക്കറ്റില്‍ മഹേന്ദ്ര സിങ് ധോണി സൈനിക മുദ്രയുള്ള ഗ്ലൗ ഉപയോഗിച്ച സംഭവം കളത്തിന് പുറത്ത് കടക്കുന്നു. ഗ്ലൗസിലെ ചിഹ്നം നീക്കണമെന്ന് ഐ.സി.സി ബി.സി.സി.ഐയോട് ആവശ്യപ്പെട്ടിരുന്നു. രാഷ്ട്രീയ, മത, സൈനിക പ്രമോഷനുകള്‍ക്ക് സഹായകമായ ഒന്നും ജഴ്‌സിയില്‍ ആലേഖനം ചെയ്യരുതെന്ന ഐ.സി.സിയുടെ നിയമം മുന്‍നിര്‍ത്തിയാണ് ധോണിയോട് ഗ്ലൗവിലെ മുദ്ര നീക്കം ചെയ്യാന്‍ ഐ.സി.സി ആവശ്യപ്പെട്ടത്. എന്നാല്‍ ഇത് രാഷ്ട്രീയമോ, മതപരമോ ആയ ഒന്നല്ലെന്നും സെനികരുടെ ത്യാഗത്തിന് ആദരമര്‍പ്പിക്കുന്ന ചിഹ്നം മാത്രമാണെന്നുമായിരുന്നു ബി.സി.സി.ഐയുടെ മറുപടി. ഇന്ത്യന്‍ ആരാധകരും ഇന്ത്യന്‍ ആര്‍മിയും ധോണിയെ പിന്തുണച്ച് രംഗത്തെത്തിയിരുന്നു. ഇതിനിടെ പാകിസ്താന്‍ മന്ത്രിയും ധോണിക്കെതിരേ രംഗത്തെത്തിയിരിക്കുകയാണ്.പാകിസ്താന്‍ മന്ത്രി ഫവാദ് ചൗധരി വിഷയത്തില്‍ ധോണിയെ പരിഹസിച്ചു. ധോണി ഇംഗ്ല@ണ്ടില്‍ ലോകകപ്പ് കളിക്കുകയാണെന്നും ഇത് മഹാഭാരതം അല്ലെന്നുമാണ് മന്ത്രിയുടെ പരിഹാസം.
ആര്‍മിയുടെ ചിഹ്നമുള്ള ഗ്ലൗസ് ധരിച്ചതാണ് ചൗധരിയെ ചൊടിപ്പിച്ചത്. നേരത്തെ പുല്‍വാമ ഭീകരാക്രമണത്തെ തുടര്‍ന്ന് ഇന്ത്യന്‍ സൈനികര്‍ക്ക് ആദരം അര്‍പ്പിച്ച് ക്രിക്കറ്റ് താരങ്ങള്‍ സൈനിക തൊപ്പി ധരിച്ചപ്പോഴും ചൗധരി പ്രതികരിച്ചിരുന്നു. അന്ന് ഇന്ത്യക്കെതിരേ പാകിസ്താന്‍ ഐ.സി.സിയില്‍ പരാതി നല്‍കിയിരുന്നെങ്കിലും ഇന്ത്യ മുന്‍കൂട്ടി അനുമതി വാങ്ങിയിരുന്നതിനാല്‍ നടപടിയുണ്ട@ായില്ല.ഐ.സി.സിയുടെ നിര്‍ദേശം വന്നതോടെ അടുത്ത മത്സരത്തില്‍ ധോണി ഗ്ലൗവില്‍ ചിഹ്നം പ്രദര്‍ശിപ്പിക്കില്ല. ഇന്ത്യക്ക് ഇക്കാര്യത്തില്‍ അനുവാദം നല്‍കിയാല്‍ മറ്റു രാജ്യങ്ങളും അനുകരിച്ചേക്കുമെന്നാണ് ഐ.സി.സിയുടെ വാദം. ബി.സി.സി.ഐ ധോണിക്കൊപ്പം നില്‍ക്കണമെന്നായിരുന്നു ഇന്ത്യന്‍ കായിക മന്ത്രി കിരണ്‍ റിജിജുവിന്റെ പ്രതികരണം. കായിക വിഭാഗങ്ങള്‍ തമ്മിലുള്ള സംസാരത്തില്‍ രാഷ്ട്രീയത്തിന് ഇടമില്ലെന്നും ഗ്ലൗവില്‍ മുദ്ര വയ്ക്കുന്നതിനുള്ള അനുമതിക്കായി ബി.സി.സി.ഐയോട് വാദിക്കണമെന്നും മന്ത്രി വ്യക്തമാക്കി.