HOME
DETAILS

ഫലത്തില്‍ തിളങ്ങി പിണങ്ങോട് സ്‌കൂള്‍

  
backup
May 15 2017 | 21:05 PM

%e0%b4%ab%e0%b4%b2%e0%b4%a4%e0%b5%8d%e0%b4%a4%e0%b4%bf%e0%b4%b2%e0%b5%8d%e2%80%8d-%e0%b4%a4%e0%b4%bf%e0%b4%b3%e0%b4%99%e0%b5%8d%e0%b4%99%e0%b4%bf-%e0%b4%aa%e0%b4%bf%e0%b4%a3%e0%b4%99%e0%b5%8d%e0%b4%99


പിണങ്ങോട്: ഹയര്‍സെക്കന്‍ഡറി പരീക്ഷഫലത്തില്‍ പിണങ്ങോട് വയനാട് ഓര്‍ഫനേജ് ഹയര്‍സെക്കന്‍ഡറിക്ക് മികച്ച വിജയം. 34 എപ്ലസുകളാണ് സ്‌കൂളിന്റെ ഇത്തവണത്തെ ഹൈലൈറ്റ്.
ജില്ലയില്‍ ഗണിതം, ഫിസിക്‌സ്, കെമിസ്ട്രി, ബയോളജി വിഭാഗത്തില്‍ ഏറ്റവും കൂടുതല്‍ വിദ്യാര്‍ഥികള്‍ പരീക്ഷയെഴുതിയ സ്ഥാപനമാണിത്. സയന്‍സ് വിഭാഗത്തില്‍ 99.5 ശതമാനവും ഹ്യുമാനിറ്റീസില്‍ 97ശതമാനവും, കൊമ്മേഴ്‌സില്‍92 ശതമാനവും വിജയവും സ്‌കൂള്‍ നേടി. സയന്‍സ് വിഭാഗത്തിന്‍ രാഹുല്‍, ദീക്ഷിത്, അഭയ് കൃഷ്ണ എന്നീ വിദ്യാര്‍ഥികള്‍ 1200ല്‍ 1200 മാര്‍ക്ക് നേടി. കൊമേഴ്‌സില്‍ മുഴുവന്‍ മാര്‍ക്കും 1200ല്‍ 1200മാര്‍ക്കും വാങ്ങിയ ഒരേയൊരു വിദ്യാര്‍ഥിയാണുള്ളത്. അത് ഈ സ്ഥാപനത്തിലെ അനൂപ് ഹരീഷാണ്.
ചിട്ടയായ പഠന പ്രവര്‍ത്തനവും അധ്യാപക, പി.ടി.എ മാനേജ്‌മെന്റ് കൂട്ടായ്മയും ഉന്നത നിലവാരം നിലനിര്‍ത്താന്‍ തുണച്ചതായി പ്രിന്‍സിപ്പാള്‍ താജ് മന്‍സൂര്‍ പറഞ്ഞു.
വിജയികളെ എം.എ മുഹമ്മദ് ജമാല്‍, കെ.കെ അഹമ്മദ് ഹാജി, ഹനീഫ കെ.കെ, ബബിത, നാസര്‍ കാതിരി, ഡാര്‍ലി ക്ലയര്‍ ജോസ്, ഷീജ ചാക്കോ, കൃഷ്ണദാസ്, അബ്ദുല്‍ മജീദ് എന്നിവര്‍ അഭിനന്ദിച്ചു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."