ഖമീസ് മുശൈത്ത്: കൊറോണ സമയത്തും അല്ലാതെയും പ്രവാസി ഇന്ത്യക്കാർക്ക് വേണ്ടി ആത്മാർഥ സേവനം ചെയ്ത് വരുന്ന സാമൂഹ്യ പ്രവർത്തകനും സി സി ഡബ്ല്യൂ എ അംഗവുമായ ഹനീഫ്  മഞ്ചേശ്വരത്തെ ഇന്ത്യാ ഫ്രേറ്റേണിറ്റി ഫോറം അബഹ ചാപ്റ്റർ ആദരിച്ചു. അസീർ മേഖലയിൽ മലയാളികളല്ലാത്ത ആളുകളുടെ ഏറ്റവും കൂടുതൽ മരണ കേസുകളുടെ നടപടിക്രമങ്ങൾ പൂർത്തിയാക്കിയത് ഹനീഫ് ആയിരുന്നു. അദ്ദേഹത്തിന്റെ ലേബർ ഓഫീസിലും പോലീസ് സ്റ്റേഷനുകളിലും ഇമാറയിലും ഉള്ള പരിചയവും സ്വാധീനവും ഇന്ത്യക്കാർക്ക് ഏറെ ഉപകാരപ്പെടുന്നുണ്ട്.