കാസര്‍കോട്: ഭെല്ലിലെ ജീവനക്കാരേയും തൊഴിലും സംരക്ഷിക്കുന്നതിനൊപ്പം കാസര്‍കോട് ജില്ലയിലെ ഏറ്റവും വലിയ പൊതുമേഖലാ സ്ഥാപനമായ ഭെല്ലിനെ സജീവമാക്കി നഷ്ടത്തില്‍ നിന്നും കരകയറ്റാന്‍ ആവശ്യമായതു ചെയ്യണമെന്ന് കാണിച്ച് ഭെല്‍ ഇ.എം.എല്‍ ഇന്‍ഡിപെന്റ് എംപ്ലോയിസ് യൂണിയന്‍ (എസ്.ടി.യു) വ്യവസായ വകുപ്പ് മന്ത്രി ഇ.പി ജയരാജന് നിവേദനം നല്‍കി.
കാസര്‍കോട് ഭെല്ലിനെ പൂര്‍ണ്ണമായും ഭെല്ലിന്റെ യൂണിറ്റാക്കി മാറ്റുകയോ അല്ലെങ്കില്‍ സംസ്ഥാന സര്‍ക്കാര്‍ തിരിച്ചെടുക്കുകയോ ചെയ്ത് അനിശ്ചിതത്വം അവസാനിപ്പിക്കണമെന്ന് എന്‍.എ നെല്ലിക്കുന്ന് എം.എല്‍.എ മുഖേന നല്‍കിയ നിവേദനത്തില്‍ എസ്.ടി.യു ആവശ്യപ്പെട്ടു