പയ്യന്നൂര്‍: ആര്‍.എസ്.എസ് മണ്ഡലം കാര്യവാഹക് കക്കംപാറയിലെ ചൂരക്കാട്ട് ബിജുവിനെ വെട്ടിക്കൊലപ്പെടുത്തിയ സംഭവത്തില്‍ റിമാന്‍ഡില്‍ കഴിയുന്ന പ്രതികളെ കസ്റ്റഡിയില്‍ വിട്ടുകിട്ടുന്നതിനായി അന്വേഷണസംഘം കോടതിയില്‍ അപേക്ഷ നല്‍കും. അന്വേഷണ ചുമതല വഹിക്കുന്ന തളിപ്പറമ്പ് ഡിവൈ.എസ്.പി കെ.വി വേണുഗോപാലന്‍ ഇതുസംബന്ധിച്ച് പയ്യന്നൂര്‍ ജുഡീഷ്യല്‍ ഒന്നാംക്ലാസ് കോടതിയില്‍ അപേക്ഷ സമര്‍പ്പിക്കും.
സി.പി.എം പ്രവര്‍ത്തകരായ കക്കംപാറയിലെ റനീഷ്, പരുത്തിക്കാട്ടെ ജ്യോതിഷ് എന്നിവരാണ് ഇപ്പോള്‍ റിമാന്‍ഡിലുള്ളത്. കേസില്‍ ഉള്‍പ്പെട്ട മറ്റു പ്രതികള്‍ക്കായി അന്വേഷണം തുടരുകയാണ്. കൊലയ്ക്ക് ഉപയോഗിച്ച ആയുധങ്ങള്‍ ഇതുവരെ കണ്ടെത്താന്‍ അന്വേഷണസംഘത്തിനു കഴിഞ്ഞിട്ടില്ല.