പുതുക്കാട്: വരാക്കരയില്‍ നിയന്ത്രണം വിട്ട കാര്‍ മതിലിലിടിച്ചു ഒരാള്‍ക്കു പരുക്ക്.
നന്തിപുലം പുളിക്കല്‍ സുരേന്ദ്രന്റെ മകന്‍ സുബിനാ (33)ണ് പരുക്കേറ്റത്. ഇന്നലെ ഉച്ചക്ക് രണ്ടരയ്ക്കായിരുന്നു അപകടം. സുബിനും സുഹൃത്തുക്കളും സഞ്ചരിച്ചിരുന്ന കാറിന്റെ ടയര്‍പൊട്ടി നിയന്ത്രണം വിട്ടതാണ് അപകടകാരണം.
റോഡരികിലെ സുരക്ഷാ തൂണിലിടിച്ച കാര്‍ സമീപത്തെ വീടിന്റെ മതിലില്‍ ഇടിക്കുകയായിരുന്നു.
മതില്‍ പൂര്‍ണമായും തകര്‍ന്നു. പറമ്പിലേക്കു പാഞ്ഞുകയറിയ കാര്‍ വീടിനടുത്തുള്ള കടയോടു ചേര്‍ന്നാണ് നിന്നത്. പരുക്കേറ്റയാളെ തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു.