കാഞ്ഞങ്ങാട്: പള്ളിക്കര സംയുക്ത ജമാഅത്ത് കമ്മിറ്റിയുടെ നേതൃത്വത്തില്‍ കല്ലിങ്കാലില്‍ സംഘടിപ്പിച്ച പൊതുപരിപാടിയില്‍ സമസ്ത കേരള ജംഇയ്യത്തുല്‍ ഉലമാ നേതാക്കള്‍ക്ക് പ്രൗഢോജ്വല സ്വീകരണം.
സമസ്ത പ്രസിഡന്റായി തെരഞ്ഞെടുക്കപ്പെട്ട സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍, ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍, സെക്രട്ടറി എം.ടി അബ്ദുല്ല മുസ്‌ലിയാര്‍, സമസ്ത വിദ്യാഭ്യാസ ബോര്‍ഡ് പ്രസിഡന്റ് പി.കെ.പി അബ്ദുല്‍ സലാം മുസ്‌ലിയാര്‍ എന്നിവര്‍ക്കാണ് സ്വീകരണമേര്‍പ്പെടുത്തിയത്. സ്വീകരണ പൊതുയോഗം പള്ളിക്കര സംയുക്ത ജമാഅത്ത് ഖാസി പൈവളിക അബ്ദുല്‍ ഖാദര്‍ മുസ്‌ലിയാര്‍ ഉദ്ഘാടനം ചെയ്തു.
പള്ളിക്കര സംയുക്ത ജമാഅത്ത് കമ്മിറ്റി പ്രസിഡന്റ് പി.എ അബൂബക്കര്‍ അധ്യക്ഷനായി. സമസ്ത ജില്ലാ പ്രസിഡന്റ് ത്വാഖാ അഹമ്മദ് മൗലവി, എസ്.വൈ.എസ് സംസ്ഥാന വൈസ് പ്രസിഡന്റ് എം.എ ഖാസിം മുസ്‌ലിയാര്‍, മെട്രോ മുഹമ്മദ് ഹാജി, അബ്ദുല്‍ സമദ് പൂക്കോട്ടൂര്‍, ഹനീഫ് ഹുദവി, ടി.പി കുഞ്ഞബ്ദുല്ല ഹാജി, കെ.എം അബ്ദുല്‍ റഹ്മാന്‍ ഹാജി, മൊയ്തു ഹാജി, പി. മുഹമ്മദ് കുഞ്ഞി ഹാജി, പി.എം.എ ബഷീര്‍, മുഹമ്മദ് അസ്ഹരി ബിലാല്‍, കെ.ഇ.എ ബക്കര്‍, സുഹൈര്‍ അസ്ഹരി, കെ.കെ അഹമ്മദ് ഹാജി, ബഷീര്‍ വെള്ളിക്കോത്ത് സംസാരിച്ചു.