ശ്രീകണ്ഠപുരം: മടമ്പത്ത് റബര്‍ പുകപ്പുരയുടെ പൂട്ട് തകര്‍ത്ത് മൂന്ന് ക്വിന്റല്‍ ഷീറ്റ് കവര്‍ന്നു. അഡ്വ. ജോയ് ജോസഫ് കരോട്ട് കുന്നേലിന്റെ വീടിനോടു ചേര്‍ന്ന പുകപ്പുരയിലാണ് മോഷണം. ജോയ് ജോസഫ് കുടുംബസമേതം അമേരിക്കയിലായതിനാല്‍ എസ്‌റ്റേറ്റ് മാനേജര്‍ ജനാര്‍ദനാണ് തോട്ടം നോക്കിനടത്തിയിരുന്നത്. കഴിഞ്ഞദിവസം ഇയാളും തൊഴിലാളികളും വീട്ടില്‍ പോയതായിരുന്നു. ഇന്നലെ രാവിലെ എത്തിയപ്പോഴാണ് കവര്‍ച്ചാ വിവരം അറിഞ്ഞത്. ജനാര്‍ദനന്റെ പരാതിയില്‍ ശ്രീകണ്ഠപുരം പൊലിസ് കേസെടുത്തു. എസ്.ഐ ഇ. നാരായണനും കണ്ണൂരില്‍ നിന്നു വിരലടയാള വിദഗ്ധരും പരിശോധന നടത്തി.