കൊല്ലം: പത്തനാപുരത്ത് പള്ളി സെമിത്തേരി പൊളിച്ച് മൃതദേഹം കടത്തിക്കൊണ്ടുപോയി. കഴിഞ്ഞ മാസം അന്തരിച്ച കുഞ്ഞേലി എന്ന സ്ത്രീയുടെ മൃതശരീരം ആണ് കടത്തിക്കൊണ്ടുപോയത്. മൃതദേഹം പിന്നീട് ചാക്കില്‍ കെട്ടിയ നിലയില്‍ കുടുംബ വീടിനു പിന്നില്‍ നിന്നും കണ്ടെത്തി.

ഇന്നു രാവിലെയാണ് കല്ലറ ഇളകിയിരിക്കുന്നത് സെമിത്തേരിയിലെത്തിയ ചിലരുടെ ശ്രദ്ധയില്‍പെട്ടത്. തുടര്‍ന്നു നടത്തിയ പരിശോധനയില്‍ മൃതദേഹം സെമിത്തേരിയില്‍ നിന്നും കാണാതായെന്നു ബോധ്യപ്പെട്ടു. അന്വേഷണത്തിനൊടുവില്‍
കുഞ്ഞേലിയുടെ പറമ്പില്‍ നിന്നു തന്നെ മൃതദേഹം കണ്ടെത്തുകയായിരുന്നു.