റായ്പുര്‍: ഛത്തീസ്ഗഢില്‍ മാവോയിസ്റ്റുകളെന്ന് സംശയിക്കുന്ന മൂന്നുപേര്‍ ഏറ്റുമുട്ടലില്‍ കൊല്ലപ്പെട്ടു. കാങ്കെര്‍ ജില്ലയിലാണ് സംഭവം.

തഡോകി കാട്ടില്‍ തിങ്കളാഴ്ച രാവിലെയാണ് ഏറ്റുമുട്ടല്‍ ആരംഭിച്ചതെന്ന് ഐ.ജി സുന്ദരാജ് പി. പറഞ്ഞു.

സശാത്ര സീമാ ബാല്‍ (എസ്.എസ്.ബി) സൈനികരും മാവോയിസ്റ്റുകളും തമ്മിലാണ് ഏറ്റുമുട്ടല്‍ നടന്നത്. എസ്.എസ്.ബിയുടെ ഒരു ജവാന് വെടിയേറ്റതായും ഐ.ജി പറഞ്ഞു.

സ്ഥലത്തു നിന്ന് ഒരു ഓട്ടോമാറ്റിക്ക് റൈഫിള്‍ അടക്കം മൂന്ന് ആയുധങ്ങള്‍ പിടിച്ചെടുത്തിട്ടുണ്ടെന്നും പൊലിസ് പറഞ്ഞു. കൊല്ലപ്പെട്ടവരെ തിരിച്ചറിയാനായിട്ടില്ല.