വളാഞ്ചേരി: പ്രമുഖ പണ്ഡിതനും സൂഫിവര്യനുമായിരുന്ന അത്തിപ്പറ്റ മുഹ്‌യിദ്ദീന്‍കുട്ടി മുസ്‌ലിയാരുടെ രണ്ടാം ഉറൂസ് മുബാറകിന് തുടക്കമായി.
അത്തിപ്പറ്റ ഫത്ഹുല്‍ ഫത്താഹില്‍ നടത്തപ്പെടുന്ന പരിപാടി മഖ്ബറ സിയാറത്തിനു ശേഷം കൊടി ഉയര്‍ത്തിയതോടെയാണ് ആരംഭിച്ചത്. പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്തു.
ഫത്ഹുല്‍ ഫത്താഹിന് കീഴില്‍ ആരംഭിക്കുന്ന അത്തിപ്പറ്റ ഉസ്താദ് സ്മാരക ചാരിറ്റി സെന്റര്‍ സമര്‍പ്പണവും തങ്ങള്‍ ചടങ്ങില്‍ വച്ച് നിര്‍വഹിച്ചു. മുനവ്വറലി ശിഹാബ് തങ്ങള്‍ അധ്യക്ഷനായി.
സമസ്ത ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ അത്തിപ്പറ്റ ഉസ്താദ് അനുസ്മരണ പ്രഭാഷണം നടത്തി.
കെ.കെ ആബിദ് ഹുസൈന്‍ തങ്ങള്‍ എം.എല്‍.എ, മഞ്ഞളാംകുഴി അലി എം.എല്‍.എ, അബ്ദുല്‍ ഗഫൂര്‍ മൗലവി അബൂദാബി, സ്വലാഹുദ്ദീന്‍ ഫൈസി വെന്നിയൂര്‍, ഹംസക്കുട്ടി മുസ്‌ലിയാര്‍ ആദൃശ്ശേരി, അഹ്മദ് മൂപ്പന്‍ സംസാരിച്ചു. വൈകീട്ട് ഏഴിന് മജ്‌ലിസ്സുന്നൂര്‍ പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്തു. കെ.കെ.എസ് തങ്ങള്‍ വെട്ടിച്ചിറ അധ്യക്ഷനായി. ഹസന്‍ സഖാഫി പൂക്കോട്ടൂര്‍ നേതൃത്വം നല്‍കി.
ഒ.എം.എസ് തങ്ങള്‍ മേലാറ്റൂര്‍ പ്രാര്‍ഥനക്ക് നേതൃത്വം നല്‍കി. അബ്ദുല്‍ വാഹിദ് മുസ്‌ലിയാര്‍ അത്തിപ്പറ്റ, സ്വലാഹുദ്ദീന്‍ ഫൈസി വല്ലപ്പുഴ എന്നിവര്‍ ഉദ്‌ബോധനം നടത്തി. തുടര്‍ച്ചയായ അഞ്ചു ദിവസങ്ങളില്‍ നടന്നുവരുന്ന പരിപാടി 29ന് സമാപിക്കും.