ലീഡ്‌സ്: സെമി ഫൈനലില്‍ പ്രവേശിച്ച ഇന്ത്യക്ക് അതിനുമുന്‍പായുള്ള അവസാന മത്സരത്തില്‍ ശ്രീലങ്കക്കെതിരേ 265 റണ്‍സിന്റെ വിജയലക്ഷ്യം. നേരത്തെ ടോസ് നേടി ബാറ്റിങ് തെരഞ്ഞെടുത്ത ശ്രീലങ്ക 50 ഓവറില്‍ ഏഴ് വിക്കറ്റ് നഷ്ടത്തിലാണ് 265 റണ്‍സ് നേടിയത്. 113 പന്തില്‍ നിന്ന് 113 റണ്‍സ് നേടിയ ആഞ്ചലോ മാത്യൂസും 68 പന്തില്‍ നിന്നും 53 റണ്‍സ് നേടിയ തിരിമാനുമാണ് ലങ്കക്ക് ഭേദപ്പെട്ട സ്‌കോര്‍ സമ്മാനിച്ചത്. ഒരുസമയത്ത് 55 റണ്‍സിന് നാല് വിക്കറ്റ് എന്ന നിലയില്‍ തകര്‍ച്ചയിലായയിടത്തു നിന്നാണ് ഇവര്‍ ടീമിനെ കരകയറ്റിയത്. ജസ്പ്രീത് ബുംറ ഇന്ത്യക്കായി മൂന്ന് വിക്കറ്റ് നേടി. ഈ പ്രകടനത്തോടെ ബുംറക്ക് ഏകദിന ക്രിക്കറ്റില്‍ നൂറ് വിക്കറ്റ് നേടാനായി.