ദുബൈ: ഗള്‍ഫ് സത്യധാര യു.എ.ഇ ഈസ്റ്റേണ്‍ റീജ്യണ്‍ കമ്മിറ്റി സംഘടിപ്പിക്കുന്ന ശൈഖ് സായിദ് ഇന്റര്‍നാഷണല്‍ കോണ്‍ഫറന്‍സിന്റെ ഭാഗമായി വെള്ളിയാഴ്ച ഫുജൈറയിലെ മുറബ്ബയില്‍ പണ്ഡിത സംഗമം സംഘടിപ്പിക്കുമെന്ന് സംഘാടകര്‍ അറിയിച്ചു.

സംഗമം യു.എ.ഇ എസ്.കെ.എസ്.എസ്.എഫ് ദേശീയ ഉപാദ്ധ്യക്ഷന്‍ ഖലീല്‍ റഹ്മാന്‍ കാശി ഫി ഉദ്ഘാടനം ചെയ്യും. ഇസ്തിഖാമ ദേശീയ പ്രതിനിധി ജലീല്‍ ദാരിമി ക്ലാസെടുക്കും. ഈസ്റ്റേണ്‍ റീജ്യണിലെ വിവിധ ഭാഗങ്ങളില്‍ നിന്നുള്ള മത ബിരുദ ധാരികള്‍ പരിപാടിയില്‍ പങ്കെടുക്കും.

യു. എ. ഇ രാഷ്ട്രപിതാവ് ശൈഖ് സായിദിനെ അനുസ്മരിച്ച് നവംബര്‍ 2ന് ഫുജൈറ കോണ്‍കോഡ് ഹോട്ടലില്‍ നടക്കുന്ന ഇന്റര്‍നാഷണല്‍ കോണ്‍ഫറന്‍സില്‍ കേരള നിയമസഭ അംഗം വി.ടി.ബല്‍റാം, എസ്.കെ.എസ്.എസ്.എഫ് കേരള സംസ്ഥാന ഉപാദ്ധ്യക്ഷന്‍ ബഷീര്‍ ഫൈസി ദേശമംഗലം ഉള്‍പ്പെടെയുള്ള നാട്ടിലേയും യു.എ.ഇ യിലേയും പ്രമുഖ വ്യക്തിത്വങ്ങള്‍ പങ്കെടുക്കും.