ലണ്ടന്‍: ക്ലബുമായി കരാര്‍ പുതുക്കാനുള്ള സാധ്യതകള്‍ അവസാനിച്ചതോടെ ആഴ്‌സനല്‍ താരം ആരോണ്‍ റംസി ജനുവരി ട്രാന്‍സ്ഫറില്‍ ക്ലബ് വിട്ടേക്കും.
കരാര്‍ നീട്ടുന്നത് റംസി ക്ലബ് അധികൃതരുമായി ചര്‍ച്ച നടത്തിയിരുന്നെങ്കിലും ഇത് പരാജയപ്പെടുകയായിരുന്നു. കാര്‍ഡിഫ് സിറ്റിയില്‍ നിന്നായിരുന്നു റംസി ആഴ്‌സനലിലെത്തിയത്. ടീമിന്റെ മധ്യനിരയിലെ നിര്‍ണായക സാന്നിധ്യമായ റംസിക്ക് കരാര്‍ നീട്ടാനുള്ള അവസരം ക്ലബ് നേരത്തെ നല്‍കിയിരുന്നു. എന്നാല്‍ ഈ ഓഫര്‍ റംസി സ്വീകരിച്ചിരുന്നില്ല. ഇപ്പോള്‍ റംസി കരാര്‍ നീട്ടണമെന്ന് ആവശ്യപ്പെട്ടപ്പോള്‍ ക്ലബ് വഴങ്ങാത്തതും ഇതുകാരണമായിരിക്കാം. കഴിഞ്ഞ സീസണില്‍ ഗണ്ണേഴ്‌സിനായി മികച്ച പ്രകടനം നടത്തിയ താരത്തെ ചെല്‍സി, യുനൈറ്റഡ് അടക്കമുള്ള ക്ലബുകള്‍ സ്വന്തമാക്കാനുള്ള ഒരുക്കത്തിലാണ്.