ചെന്നൈ: തമിഴ്‌നാട്ടിലെ കൊടിയ വരള്‍ച്ച നേരിടുന്ന ചെന്നൈ നഗരം ഉള്‍പ്പെടെയുള്ള പ്രദേശങ്ങളില്‍ പ്രതിദിനം എത്തിക്കുന്ന കുടിവെള്ളത്തിന് റെയില്‍വേ ഈടാക്കുന്നത് 8.6 ലക്ഷം രൂപ.
ജോലാര്‍പേട്ടയില്‍ നിന്നാണ് ചെന്നൈയിലെക്ക് വെള്ളം എത്തിക്കുന്നത്. ഇതിനുള്ള ട്രെയിന്‍ വാടകയാണ് 8.6 ലക്ഷം രൂപ. ജോലാര്‍പേട്ടയില്‍നിന്ന് വില്ലിവാക്കത്തേക്ക് ലിറ്ററിന് 34 പൈസ നിരക്കിലാണ് സര്‍ക്കാര്‍ വെള്ളം കൊണ്ടുവരുന്നത്. എന്നാല്‍ യാത്രക്കിടയിലും മറ്റുമായി 10 മുതല്‍ 15 ശതമാനം വരെ വെള്ളം നഷ്ടമാകുന്നുമുണ്ട്.
വെള്ളം ശുദ്ധീകരിക്കുന്നതിന് 150 രൂപയാണ് ചെലവ് വരുന്നതെന്ന് ചെന്നൈ മെട്രോ വാട്ടര്‍ അധികൃതര്‍ പറയുന്നു. പ്രതിദിനം ട്രെയിന്‍ മാര്‍ഗം 2.5 മില്യണ്‍ ലിറ്ററാണ് എത്തിക്കുന്നത്. 55,000 ലിറ്റര്‍ വീതം 50 വാഗണുകളിലായാണ് വെള്ളം എത്തിക്കുന്നത്.