തൃശൂര്‍: യു.ഡി.എഫ് സര്‍ക്കാരിന്റെ കാലത്ത് ചീഫ് വിപ്പ് പദവിയെ സി.പി.ഐ എതിര്‍ത്തിട്ടില്ലെന്ന് സര്‍ക്കാര്‍ ചീഫ് വിപ്പ് കെ. രാജന്‍. പി.സി ജോര്‍ജിനെ ചീഫ് വിപ്പ് ആക്കിയതിനെയാണ് അന്ന് പാര്‍ട്ടി വിമര്‍ശിച്ചത്.
അന്നത്തെ രാഷ്ട്രീയ സാഹചര്യമായിരുന്നു അതിന് കാരണം. സംസ്ഥാനത്തിന്റെ ചരിത്രത്തില്‍ മുന്‍പും പലരും ചീഫ് വിപ്പായിട്ടുണ്ട്. അവരെയൊന്നും ഇടതുപക്ഷം എതിര്‍ത്തിട്ടില്ല.
ചീഫ് വിപ്പ് പദവി സംസ്ഥാനത്തിന് ബാധ്യതയാകാതെ നോക്കും. പരമാവധി ചെലവ് കുറയ്ക്കുമെന്നും തൃശൂര്‍ പ്രസ്‌ക്ലബ്ബിന്റെ മീറ്റ് ദ പ്രസ് പരിപാടിയില്‍ അദ്ദേഹം പറഞ്ഞു.