തൊടുപുഴ: സുന്നി യുവജന സംഘം ഇടുക്കി ജില്ലാ കമ്മിറ്റിയുടെ നേതൃത്വത്തില്‍ പാണക്കാട് സെയ്യിദ് ഉമറലി ശിഹാബ് തങ്ങള്‍ റിലീഫ് സെല്ലിന്റെ റമദാന്‍ കിറ്റ് വിതരണവും ദുആ മജ്‌ലിസും ഇന്ന് നടക്കും.
'ഉറവ്' കാരുണ്യപദ്ധതിയുടെ ഭാഗമായി സംഘടിപ്പിക്കുന്ന പരിപാടി ഇന്ന് രാവിലെ എട്ടിന്‌ന് വടക്കുംമുറി മഖാം മദ്രസാ ഹാളില്‍ നടക്കും. സമസ്ത കേരള ജംഇയത്തുല്‍ ഉലമ ജില്ലാ പ്രസിഡന്റ് ഹൈദര്‍ ഉസ്താദ് കുന്നം ദുആയ്ക്ക് നേതൃത്വം നല്‍കും. എസ്. വൈ. എസ് ജില്ലാ പ്രസിഡന്റ് അബ്ദുല്‍ കബീര്‍ റഷാദി അധ്യക്ഷത വഹിക്കും.
ജംഇയത്തുല്‍ മുഅല്ലിമീന്‍ ജില്ലാ പ്രസിഡന്റ് ഹാഷിം ബാഖവി ഉദ്ഘാടനം ചെയ്യും. സമസ്തയുടേയും പോഷക സംഘടനകളുടേയും നേതാക്കള്‍ ആശംസകള്‍ അര്‍പ്പിക്കുമെന്ന് റിലീഫ് കമ്മിറ്റി ചെയര്‍മാന്‍ എ.എച്ച് ഷാജഹാന്‍ മൗലവി, കണ്‍വീനര്‍ പി.എസ് മുഹമ്മദ്, എസ്.വൈ.എസ് ജില്ലാ സെക്രട്ടറി പി.എസ് സുബൈര്‍ എന്നിവര്‍ അറിയിച്ചു.