ന്യൂഡല്‍ഹി: തിരുവനന്തപുരത്തുനിന്ന് ബംഗളൂരുവിലേക്ക് പുതിയ ട്രെയിന്‍ ഈ മാസം 20ന് സര്‍വിസ് തുടങ്ങുമെന്ന് കേന്ദ്രമന്ത്രി അല്‍ഫോന്‍സ് കണ്ണന്താനം അറിയിച്ചു. ആഴ്ചയില്‍ രണ്ടുദിവസമായിരിക്കും സര്‍വിസ്.
വ്യാഴം, ശനി ദിവസങ്ങളില്‍ വൈകിട്ട് 6.30ന് തിരുവന്തപുരം കൊച്ചുവേളിയില്‍നിന്ന് യാത്ര തുടങ്ങുന്ന 16319 നമ്പര്‍ ഹംസഫര്‍ എക്‌സ്പ്രസ് പിറ്റേദിവസം 10.45ന് ബംഗളൂരു ബനസ്വാഡി റെയില്‍വേ സ്‌റ്റേഷനില്‍ യാത്ര അവസാനിപ്പിക്കും. വെള്ളി, ഞായര്‍ ദിവസങ്ങളില്‍ ബംഗളൂരുവില്‍നിന്ന് രാത്രി ഏഴിന് പുറപ്പെടുന്ന 16320 നമ്പര്‍ ട്രെയിന്‍ പിറ്റേദിവസം രാവിലെ ഒന്‍പതിന് തിരുവനന്തപുരത്ത് യാത്ര അവസാനിപ്പിക്കും.