HOME
DETAILS

ത്രിതല പഞ്ചായത്തുകള്‍ക്ക് പുതിയ നായകര്‍ ബുധനാഴ്ച ചുമതലയേല്‍ക്കും

  
backup
December 29 2020 | 17:12 PM

president-vice-president-election

തിരുവനന്തപുരം: സംസ്ഥാനത്തെ ത്രിതല പഞ്ചായത്തുകളിലേക്കുള്ള അധ്യക്ഷ, ഉപാധ്യക്ഷ തെരഞ്ഞെടുപ്പ് ബുധനാഴ്ച നടക്കും. ഗ്രാമ, ബ്ലോക്ക്, ജില്ലാ പഞ്ചായത്തുകളിലെ അധ്യക്ഷ സ്ഥാനത്തേക്ക് രാവിലെ 11നും ഉപാധ്യക്ഷ സ്ഥാനത്തേക്ക് ഉച്ചയ്ക്കു ശേഷം രണ്ടിനുമാണ് തെരഞ്ഞെടുപ്പ്.
941 ഗ്രാമപഞ്ചായത്തുകളിലെയും 152 ബ്ലോക്ക് പഞ്ചായത്തുകളിലെയും 14 ജില്ലാ പഞ്ചായത്തുകളിലെയും അധ്യക്ഷ, ഉപാധ്യക്ഷ സ്ഥാനത്തേക്കാണ് തെരഞ്ഞെടുപ്പ് നടക്കുന്നത്. 11 ജില്ലാ പഞ്ചായത്തുകളില്‍ എല്‍.ഡി.എഫിനും രണ്ടിടത്ത് യു.ഡി.എഫിനും ഭൂരിപക്ഷമുള്ളപ്പോള്‍ വയനാട്ടില്‍ ആര്‍ക്കും ഭൂരിപക്ഷമില്ല. ഇവിടെ നറുക്കെടുപ്പിലൂടെയായിരിക്കും ഭരണം ആര്‍ക്കെന്നു തീരുമാനിക്കുക.
ജില്ലാ പഞ്ചായത്തിലേക്ക് ജില്ലാ കലക്ടറും ബ്ലോക്ക്, ഗ്രാമ പഞ്ചായത്തുകളിലേക്ക് അതതു വരണാധികാരികളുമാണു തെരഞ്ഞെടുപ്പ് നടപടികള്‍ക്കു നേതൃത്വം നല്‍കുന്നത്. തുടര്‍ന്ന് തെരഞ്ഞെടുക്കപ്പെടുന്നവരുടെ സത്യപ്രതിജ്ഞയും നടക്കും.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."