തിരുവനന്തപുരം: യൂനിവേഴ്‌സിറ്റി കോളജില്‍ എസ്.എഫ്.ഐ പ്രവര്‍ത്തകന്‍ അഖിലിനുനേരെയുണ്ടായ വധശ്രമക്കേസില്‍ ഒരാള്‍ കൂടി പിടിയിലായി. തിരുവനന്തപുരം വെമ്പായം സ്വദേശി സഫ്‌വാനാണ് പിടിയിലായത്. കേസില്‍ പന്ത്രണ്ടാം പ്രതി ഈയിടെ പിടിയിലായിരുന്നു. പ്രാവച്ചമ്പലം അക്ഷയ് ആണ് പിടിയിലായത്. ഇയാളെ നേരത്തെ തന്നെ കോളജില്‍ നിന്ന് പുറത്താക്കിയിരുന്നു. സംഭവത്തില്‍ ഒന്നാംപ്രതി ശിവരഞ്ജിത്ത്, രണ്ടാം പ്രതി എ.എന്‍ നസീം എന്നിവര്‍ നേരത്തെ കുറ്റവും സമ്മതിച്ചിരുന്നു. അഖിലിനെ കുത്തിവീഴ്ത്തിയ ശേഷവും കോളജില്‍ അക്രമം നടന്നുവെന്ന് വ്യക്തമാക്കുന്ന ദൃശ്യങ്ങളും പുറത്തുവന്നിരുന്നു. മുപ്പതോളം പേര്‍ അക്രമത്തില്‍ പങ്കുകൊണ്ടതായും തിരിച്ചറിഞ്ഞിരുന്നു.